"Say Pinabli ya libro na antolohiay anlong nen Sonny Villafania et napnapnoy aro ed baley ton nianakan, apenek na arod salitan Pangasinan tan say kultura tan kapara to ran Pangasinense.

Maulimek tan mapalna ray anlong to a singa siplog na dagem na amian, ya mangiiter na inawad pagew ya maninget ed sansansakey lan ingas na panliwlinawa, gaway inpangitalirak na saray akalingwan la.

Marandanet tan matane-tanek met balet ya pangililiing ed saray naoguip ya liknaan na saray Pangasinense ya kumon onggalaw iran miolup ya mangitandoro, mangitalindeg tan mangi-usar ed salita tan kulturay Pangasinan.

Diad sarayan anlong naaninag so imahin na Pangasinan, say karuman, natan tan nabuas na luyag tayo.

Pinabli, sakey ya inspirasyon tayo, ta walay mabonan bini ya mangipalapag na inkatoo tan salita tayo, si Sonny Villafania.

Pinabli nen Sonny iray Pangasinense. Pablien tan basaen tayo sirin yan libro."

DR. LINDA R. ANDAYA
President - ULUPAN
Director, Cultural, External & Performing Arts, PSU

"Ang pagkalimbag at paglabas ng PINABLI na aklat ng mga tula ni Santiago B. Villafania ng mga bayan ng Sta. Barbara, Aguilar at Mangaldan, ay tunay na makasaysayan. Sa kaunaunahang pagkakataon ay narito ang isang bungkus ng mga tula sa Wikang Pangasinan mula sa isang bagong makata ng Pangasinan na nagpupumiglas pumaimbulog sa kalawakan ng Panitikan.

Nakikinita kong pasimula lamang ito ng mas marami pang mga aklat na magmumula sa malakbaying-diwa ni "Sonny" Villafania. Isa na naman itong dagdag na yamang-Literatura at Kultura ng Pangasinense."

JAIME P. LUCAS
Founding President of Ulupan Pangasinan &
President of the Association of Writers and Authors for Regional Development - Region I